蘋果日報 專題報導 22/6/2017
Featured蘋果日報專題報導 22/6/2017
按此進入網頁: 【無家女孩】飄泊17年靠宿舍湊大 20歲女：想住到嫁出去
Mani（化名）今年20歲，外表與一般少女無異，臉上總是掛著笑容，感覺活潑樂天。誰又想到，她經歷了17年無家可歸的飄泊歲月，內心脆弱不安？「其實每個人都有佢哋唔同嘅故事，但係我哋共通點就係同樣唔可以番屋企囉。」提到女子宿舍的舍員們，Mani無奈地說。因為家庭問題，她現居於專為18至24歲女孩提供住宿服務的「延愛之家」，總算暫得安穩；然而她快將超齡要搬離宿舍，對一個無家女孩而言，這是否另一次殘酷打擊？
記者：陳麗賢 攝影：邱仲權 剪接：魏利民
Mani生於單親家庭，才唸幼稚園，爸爸便把她交給不同朋友照顧，試過被寄住家庭的孩子欺負，感到十分無助。直到11歲，爸爸終於將她送去兒童宿社，打後3年斷絕聯絡。「自從我離開咗嗰一刻開始，爹哋就已經無再畀任何嘅洗費我。」Mani傷心地說。「有唔開心嘅感覺囉，點解我唔可以同爹哋一齊住，點解我爹哋會唔要我？」可惜，Mani的疑問永遠沒有答案。
因為香港青少年宿舍宿位有限，9年內 Mani被迫搬過4間宿舍，令她成長過程欠缺安全感。幸好，像「延愛之家」這些宿舍都有充滿熱誠的社工和義工家長，加上友善的舍員，令她一嚐渴望已久的家庭溫暖。「即係好似所有人都好關心你咁，有一次我胃痛，好唔舒服，痛到我喊。跟住啲舍員已經係幫我執好晒野，仲話：『我而家即刻同你去醫院啊！』」一班「家人」也會互相傾訴心事，甚至徹夜長談而不覺累。
對Mani而言，宿舍甚至變成她的「根」。她笑著說：「你離開個屋企都係因為你嫁人吖嘛。可能我25歲結婚，咁我25歲就要離開呢個宿舍，呢度就係我新郎接我嘅地方囉！」對於無家少女而言，能夠在宿舍「家人」見證下出嫁，也是一種福氣。
可惜Mani今年已經20歲。按照「延愛」規矩，舍員一般只可以住2年，而且年齡不超過24歲。換句話，她一年多後便要離巢獨自生活。「我啱啱先搬入嚟呢度無耐，我而家已經好徬徨喇。」Mani無奈地說。「點解我唔可以喺熟悉咗嗰個地方、建立咗歸屬感、建立咗感情嘅時候，我唔可以繼續喺度住？（搬家）對我自己心靈上，都有一定創傷。」
為了準備未來租樓開支，她連學業都要放到一邊。「好想去讀書，但係因為自己根本負擔唔起，跟住就無咗呢個機會。」即使比同齡少女成熟進取，但她既沒大學學歷，也沒專業資格，收入是否足夠應付生活？「延愛之家」署理中心主任黃晶瑩認為，現時「租劏房」起碼要5千至6千港元，等於這樣一個女孩一半人工：「咁佢以後點樣可以繼續去改善自己嘅生活？」即使輪候公屋，亦難解燃眉之急：「佢而家咁嘅狀況起碼要維持7年，先有一個希望上到公屋。呢個7年就會好艱難。」
黃姑娘續指，這些無家的年輕人其實需要政策支援：「如果政府可以幫到一班無屋企嘅年輕人，去畀到一啲宿位佢哋去繼續完成學業，我覺得對佢哋嚟講都好重要。」